Plantun de Prouvènço

Pèr coumpara dos planto d'encò nostre

Bupleurum rotundifolium & Arundo donax

Perso-fueio

Bupleurum rotundifolium

Apiaceae Umbelliferae

Autre noum : Erbo-coupiero.

Noms en français : Buplèvre à feuilles rondes, Buplèvre engainé.

Descripcioun :
Planto que se recounèis à si fueio quàsi roundo, en generau óuvalo, qu'entouron la cambo (perso-fueio). Sis oumbello an de 4 à 8 raioun, ço que lou destrìo de Bupleurum subovatum que n'en a soulamen 2 o 3. Trachis dins li champ de cerealo en agriculturo tradiciounalo o bioulougico.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 70 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 1,5 à 3 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Remarco : Champ de cerealo
Mai à avoust

Liò : Champ - Meissoun
Estànci : Mesoumediterran à Coulinen
Couroulougi : Mediterrano-touranienno
Ref. sc. : Bupleurum rotundifolium L., 1753

Cano

Arundo donax

Poaceae Graminaceae

Autre noum : Canié.

Noms en français : Canne de Provence, Roseau à quenouilles.

Descripcioun :
La cano que ié dison "de Prouvènço" es uno plano bèn couneigudo emé si grando e gròssi tijo lignouso d'enviroun 3,5 cm de diamètre, si long rizoumo espès e si fueio verdalo de 2 à 5 cm de larg.

Usanço :
La cano que nous vèn dóu cèntre de l'Asìo, fuguè proun plantado pèr proutegi li culturo dóu mistral. Nòstis àvi se n'en servien pèr gaubeja mant'uno besougno : pèr eisèmple pèr apara li det dóu tai dóu voulame (li dedau) o enca pèr acroucha lou calèu (la moco). Lou rizoumo èi manjadis (li fueio peréu, mai soun proun amaro) cue (rousti o bouli) o adouba en farino pièi mesclado à d'autro. Emai èro pas gaire emplegado coume planto vertuouso, aro d'ùni prouprieta soun estado troubado coume dins la dessensibilisacioun pèr l'alergìo.